Ick Peter Kyll Richter in der heerlicheyt Oy tuge openbairlick in desen openen brieve dat voor my ende voir gerichtliede die hiir nae beschreven komen sijn inden ghericht tot Oy die Eerle en vrome Gerithe tot Oy mijn lieve Joncker ende Jonkvrouw Anna van Stephrade zijn echte huyssvrou mijne lieve Jongfrou mittenselve Gerithe tot Oy over de gestaende momber dou mijt oirdell ende mij recht gegeven waert.
Ende hebbende mijt onsen vrijen will ende overmits enen rechthe wijsse steden erftkoip voir hem ende over erven vercofft ende opgedragen Vastraet Jansz burger tot Nijmegen ende sijne erven een erffrente van achtentwintich enckell kurforst golden Rijnssche gulden des Jairs off die weerde dairvoir an guede an den gulden payment denselven enckele guldens gelijc guet alle Jair erfflick ende ewelick op sinte Jacobs dach ende op sinte Petersdach ad Lathed gederft den burger Vastraet Jansz ende sijnen erven te betalen opt te peijnde gelijck men gewoentlick inthijns ende pacht in den Heerlickheit van Oy uijt te peynden uijter ende Camplants geseijt den Haeffschen Camp haldend omtrint drie morghen lants sijn luttell mede off mijn ter guede mate geleght inder Heirlicheyt van Oy vurss. voir de huyse tusschen den Dijck mitten eenre sijde ende mitten enen eynde, en der Stat Camp mitten andere sijde schietende mitten anderen eijnde aen de willigen passcb noch uijt enen camp lants geheyth't Brughstuck haldend omtrent ses morgen lants een luttell mede of mij ter guede mathe in der Burchheerlickheyt buiten dijcks gelegen mitten eenre sijde langs de dijck mitten andre an erve Hermans van Cranevelt dat Henrick van Lobith bouwet schietende mitten ene eynde an die straet ende mitten anderen eynde an Henrick Rosen Hoffstat.
Op welck achtendtwintich enckel golden Rijnssche Gulden's jaers vursseide Gerith tot Oy Jonkvrouwe Anna echte lüde vursseide nae ertegen hebbende myt hande halme ende myt monde tot behaeff(?) Vastraet Jansz vursseid ende syne erven, Soe dat thandemisse (?) der gerichtslüdewijsden dat Gerithe tot Oy ende jonkvrouwe Anna echte lüde vursseid ende oic erven erstlick dair aff onterfft sijn ende geen recht noch toestande mede dair ane behalden en hebbende in eniger wijs ende dat Vastraet Jansz vursseid ende sijne erven erstlick en ewiclick dair ane gheërfft ende gerechticht sijn ende dan hem die in de burgh tweën kampen lants na ende lantrecht ende tot ewigen dagen toe vast ende steden wesen sullen sonder yemant weder seggende voirtaene so hebben Gerithe tot Oy ende Jonckvrouwe Anna echte lüde vursseid aen ende over erven gelasst die burgh achtendtwintich enckel golden rijnssche gulden's iaers.
Vastraed Jansz vursseid ende sijnen erven inds burgh tweën Campen lants als in enen vrijen eygenen erve ende guede jair ende dach te weren tegen alle die genen die desten rechth staen willen ende alle voircommen die dair op wegh affte doen als erffcoips recht iss inder heerlickheyt van Oy vursseid ende allsonder argelist hyet ware over ende aen gerichtslüde Rutger die Veer en de HENRICK VERWAYEN ende mede guede lüde in getuygnisse der wairheyt.
Gegeven in 't Jair onsses Heren dusent vierhondert vier ende negentich des Diinsdach nae den Sonnendach Oculi in der Vasten.
(Bron: Gemeente-archief Nijmegen; Archief Nijmeegse Broederschappen, charter nr. 684)